Со поддршка на градот Скопје во соработка со Здружението на граѓани „Креактив” Ве покануваме да го проследите свеченото одбележување на Меѓунардониот Ден на Волонтеризам 05 декември 2010 год (Недела). кој ќе се одржи во новиот трговски центар ВЕРО со почеток во 12 часот.

Настанот се случува во рамките на поголемиот проект „КреАктивни Лидери“ што ЗГ „Креактив“ го спроведува во 5 средни училишта на територијата на град Скопје. Основната цел на проектот е јакнење на личноста кај младите ученици со помош на неформалното образование и развивање образовни и животни навики преку нивно активно вклучување во волонтерски врснички активности за градење тим и мотиваирање и развивање клучни животни и образовни вештини.

Генералното собрание на Обединетите нации во 1985 година го прогласи 5 декември за Меѓународен ден на волонтеризмот како потсетување на денот кога во 1970 година кога е изготвена Програмата на ОН за волонтери. Волонтерите на ОН промовираат идеали на волонтеризмот во целиот свет помагајќи на најсиромашните и помалку развиените земји.

Во иста насока „Креактив“ иницираше едно вакво одбележување на овој ден и во Скопје бидејќи волонтерите се важен фактор во градењето и инвестирањето во својата заедница.

Младите од овие 5 средни училишта: СУГС Орце Николов, СУГС Георги Димитров, СУГСГ Јосип Броз Тито, СЕПУГС Васил Антевски Дрен и АСУЦ Боро Петрушевски, целосно се погрижија за организацијата на овој настан на кој нивните дела ќе бидат изложени и прикажани на публиката.

Водител на настанот ќе биде Марко од емисијата „Тротоар“ заедно со уште неколку волонтери од „Креактив“. Просторот во „Веро“ ќе понуди интересни интерактивни содржини кои истотака ќе ги вклучат сограѓаните кои во тоа време ќе се најдат во трговскиот центар.

Настанот ќе вклучи:

- Изведби на младински музички бендови
- Официјален дел за презентација на настанот и доделување благодарници на инволвираните страни: Град Скопје и Веро.
Гости на настанот ќе бидат:
Претставник од секторот за образование при Град Скопје
Стевица Левајковски – координатор на проектот „КреАктивни лидери“
(да се потврди) – Претставник од трговскиот центар „Веро“
- Изведба на улична глума од младите од СУГС “Орце Николов”
- Изложба на фотографии од младите од СУГС” Георги Димитров” и СЕПУГС “Васил Антевски- Дрен”
- Изложба на графити и поп-уметност од младите од СУГС “Георги Димитров”
- Штанд за презентација на активностите на Креактив
- Хуманитарна акција – продавање разгледници и собирање облека

и уште многу други изненадувања

Би ни претставувало чест и задоволство доколку и Вие бидете дел од овој волонтерски настан.

Се гледаме…

Целта на овој проект е јакнење на личноста кај младите ученици со помош на неформалното образование и развивање образовни и животни навики преку нивно активно вклучување во врснички активности за градење тим и мотиваирање и развивање клучни животни и образовни вештини.

Неформалното образование како дел од современиот начин на метод на работа во многу образовни институции во светот покажало видливи резултати во развојот на секоја индивидуа, особено на младата личност.

Преку организирањето на слободното време на младите ученици во насока на градење позитивна иднина ќе се изгради една платформа за стекнување навика за одговорност кон самите себе и кон другите која ќе биде од голема вредност за градење на едно демократско општество. Овој проект ќе биде од голема важност за учениците и наставниците, бидејќи голем акцент ќе се стави на неформалното образование и неговите бенефиции и позитивното влијание врз формалната настава.

Здружението на граѓани (ЗГ) Креактив ќе изведе неколку обуки во текот на еден месец за учениците од средните училишта: АСУЦ ‘’Боро Петрушевски’’, СЕПУГС ‘’Васил Антевски – Дрен“, СУГС “Ѓорѓи Димитров“, СУГС “Орце Николов“ и СУГС „Јосип Броз Тито“. Обуките ќе опфатат по 4 ученци од секое училиште и ќе се базираат на темите: лидерство и менаџмнет, тимска работа, комуникациски вештини, организирање, промоција на настани и маркетинг.

Учениците и наставниците ќе имаат заеднички средби со проектниот тим од ЗГ Креактив во текот на месец септември 2010 каде што ќе работат на креирање на внатрешната структура на Креактив – клубовите во нивните училишта, а исто така ќе креираат стратегии и детални акциони планови на активности кои ќе бидат имплементирани во овие училишта со самиот почеток на учебната 2010/2011 година.

Активностите од акционите планови ќе ги опфатат следниве области: организирање дебати и ораторски манифестации, како и младински форуми, работилници, натпревари и манифестации за збогатување на програмите за вон наставни активности и унапредување на активното учество на учениците во училишниот живот (при одбележување значајни датуми и личности во областа на образованието, за промоција на нови вредности релевантни за денешните генерации).

Во втората половина на септември и првата половина на октомври 2010 година младите ќе започнат со конкретна техничка и логистичка подготовка за активностите предвидени во акционите планови.

Со почетокот на учебната година учениците ќе креираат младински клубови на Креактив во нивните училишта со своја внатрешна структура (координативни тела) каде што ќе ги вклучат нивните врсници и минимум по еден наставник кој ќе им дава соодветна поддршка. Во текон на месеците октомври и ноември 2010 младите, заедно со наставниците, ќе имплементираат низа активности во нивните училишта.

За секое училиште ќе има по еден член, координатор, од проектниот тим на ЗГ Креактив кој ќе ги мониторира и ќе им пружа секаков вид поддршка која би им била потребна на младите. Во текот на овој период ќе се одржуваат редовни состаноци и средби помеѓу учениците, наставниците и проектниот тим на ЗГ Креактив во канцеларијата и Младинскиот Клуб КРЕАКТИВ Скопје. На овие средби учесниците ќе ги споделуваат своите искуства и ќе им се пружа можност за идна соработка.

Проектот ќе заврши со еден голем финален настан кој ЗГ Креактив ќе го организира по повод Меѓународниот ден на волонтерството на 5 декември. На овој настан сите Креактив клубови од наведените училишта ќе ги презентираат продуктите и резултатите од активностите кои веќе ги спровеле.

Локација: Auch, France

Датум: од 21ви до 30ти август

Тема: Музика

*Сместувањето и храната се покриени 100%, а патните трошкови се покриени 70%.

Бараме 4 учесници на возраст од 18 до 25 години. Услови: да знаат да свират на некој музички инструмент и активно да се занимаваат со музика, или да се занимаваат со филмска продукција. Да имаат биометриски пасош.

Потребни информации:

Име и презиме:

Дата на раѓање:

Место на живеење:

Искуство со музика и/или со филмска продукција:

Телефонски број:

Апликациите можете да ги пратите на atanasov_viktor@yahoo.com или како порака на фејсбук до 15.06.2010.

- Граѓанскиот сектор е исклучително мобилизиран инструмент за корегирање на власта и носење на одлуки што ќе бидат блиски до граѓаните. Многу е тешко, речиси невозможно граѓаните да иницираат некое прашање на индивидуална основа, без претходно формално самоорганизирање во функција на решавање на некој заеднички или јавен проблем, рече Џафери.

Сериозен чекор, спроед него, е направен преку реализација на проектот „Форуми во заедниците“, каде граѓаните одлучуваат за реализација на приоритетни проекти.

За евроамбасадорот Ерван Фуере присуството и учеството на граѓанското општество е многу важен фактор во интегративниот процес на земјата во ЕУ.

- Овој процес на интерактиво партнерство и комуникација ја гарантира успешната интеграција на земјата во Европската унија. Процесот на децентрализација ги зближува властите, локалните и централните со корисниците на услугите, односно граѓаните, со што ќе можат да се донесат корисни одлуки, рече Фуере.

Преку посетите на повеќе општини низ Македонија, тој забележал дека влијанието на граѓанскиот сектор е позитивно во донесувањето на одлуки.

Панел дискусијата „Локалната самоуправа и граѓанското општество: Можноста за заедничка соработка“ е во организација КРЕАКТИВ, а во соработка со Фондацијата Конрад Аденауер.

Младинскиот Центар “Креактив” е проект финансиран од сопствени средства на “Креактив”. За жал тие средства се сведени на минимум. Нашиот најголем проблем во моментов е ќиријата за просторот. Досега не наидовме на поддршка, па во најскор можен рок би биле приморани да го напуштиме просторот и да го затвориме клубот. Одлучивме од 05.04.2010 до 30.04.2010 активностите на клубот да ги одржуваме на плоштадот во Кавадарци. Се надеваме дека ова ќе ја разбуди свеста на градот и дека би нашле спонзорства за клубот да може и понатаму да постои.

Освен што организираме активности на отворено, за да бидеме забележани исто така и ќе продаваме предмети кои се изработени од членовирте на Креактив за време на нивните креативни работилници. Младиот тим од волонтери на Креактив реши да прави прошетки низ градот со кутијата за донации, а секој е добредојден да го помогне овој проект.

Еве краток распоред на активностите планирани во месец април:

Понеделник: 11:00 и 14:00 –  часови по гитара и португалски, 19:00 – жонглирање, цртање.

Вторник: 11:00-18:00 – часови по француски и португалски  , 19:00 – дебата.

Среда: 11:00-15:00 – часови по англиски, 19:00 – едукативна работилница.

Четврток: 11:00-15:00 – часови по француски, 17:00-18:00 час по португалски

Петок: 11:00 и 14:00 – часови по гитара, 19:00 – волонтерска вечер

Сабота: 12:00 – драма, 15:00- 17:00 – цртање, 18:00 возење скејт и ролери

За подетални информации ве молиме кликнете тука.

За апликација, кликнете тука

Краен рок за аплицирање е 15ти Април

Потпоплнетата апликација испратете ја на kontakt@kreaktiv.mk

Уживајте!

Ага од Полска
Каролине од Шведска
Каролина од Португалија
Тиаго од Португалија и
Педро од Португалија.

Тие ке се придружат во работата на Младинскиот Клуб Креактив во Скопје

Приклучете ни се!